tamazight

Tamlellayt tilellit (Alternative libertaire) : anwi i d nekni ?

Version imprimable de cet article Version imprimable


Amlellay imeslelli "AL", Alternative libertaire, d tamsuddest n t n Fransa i d-ilulen aseggas n 1991.

AL d timerniwt ɣef tin iwmi qqaren awernaḍ-tasdukka d umussu n yixeddamen ur nqebbel ddel akken i d-tella seg Tagraɣlant Tamezwarut. Azal-is d tasertit i d-ibedden ɣef umahil n waddagen d trebbuyaɛ timettanin yettwaqehren ideg iswi-s d tagrawla, d timanit akked mgal tamsihrant.

AL tessuter tirmit n yigrawliwen, seg tsertit n tallit-nsen.

  • Bakounine d yimeɣnasen-is deg Tagraɣlant Tamezwarut ;
  • Inmalayen igrawliwen n CGT n Fransa uqbel n 1914 ;
  • Makhnovstchina akked lsas n temsuddsan n yiwernaḍen n tmurt n Rus yenfan ;
  • Tawernaḍt-tanmalut n Spanya, tirmit n tegrawla timettit n useggas 1936 ladɣa tigawt n terbaɛt n “Imdukal n Durruti”.
  • Tidukkla n Tesdukka timeslellit (FCL) akked Ameskan n Tesdukka Timeslellit n Georges Fontenis deg useggas 1954 ;
  • Tazrart n yixeddamen yizdukiyen, leqdic Daniel Guérin akked usenfar Asdukkan Imeslelli deg useggas 1986.

Akken yebɣu yili, ɣas ccḍen imi yal yiwen irennu ciṭ, tirmitin am ti d tid i d-yewwin amecwar ameqqran akken ad d-ibedd umussu asdukkan imeslelli n talllit-a ideg nettidir.

Ass-a, Amlellay imeslelli "AL" yessenfal yiwet n tsertit yersan ɣef krad wadagen :

  1. taneflit n uḍru asdukkan imeslelli ;
  2. Asbeddi n tirni mgal tamsihrant ara d-ijemɛen wid d tid iran ad ilin mgal n yimɛelmen d lḥukumat ;
  3. Lebni n Tirni timettit n yimussuten imettanen ara d-yerren ar unnar tasertit n tẓelmeṭ mgal tin n taẓelmeṭ n lḥukumat.

Imeɣnasen d tmenɣnasin n AL gren afus deg umennuɣ deg yimennuɣen deg tkebbaniyin akked deg win n unmalay CGT neɣ deg SUD (tikkwal CNT), rnu imennuɣen mgal tiɣimit bla ixeddim, win n uzref ɣef tnezduɣt, win n tussnazduɣt. Amlellay imeslelli "AL" yekkat ad iger assaɣen gar yimennuɣen-a deg tmetti n tura akken ad tt-yegzem akked temsihrant n udabu.

 
☰ Accès rapide
Retour en haut